WARBIXIN CAALAMI AH: Somaliland oo lagu majeertay hannaanka ay u dhisatay dawladnimo iyo nabad

Jamhuuriyadda Somaliland ayaa lagu majeeryay warbixin ay daabacday International Policy Digest, taas oo si qoto dheer u falanqaysay hannaanka ay Somaliland u dhisatay dawladnimo, nabad iyo dimuqraaddiyad tan iyo markii ay dib ugu dhawaaqday madax-bannaanideeda 1991-kii.

Warbixinta International Policy Digest, oo ay soo turjuntay Wakaaladda wararka Somaliland ee SOLNA, ayaa xustay in Somaliland ay qaadday waddo ka duwan inta badan Geeska Afrika, iyadoo ku tiirsan awood bulsho iyo wada-tashi qaran halkii ay ka sugi lahayd qaadhaan dibadeed.

Warbixintu waxay tilmaantay in Somaliland ay ku guulaysatay hirgalinta dawlad ka soo bilaabatay bulshada dhexdeeda, taas oo saldhig u noqotay xasilooni siyaasadeed iyo nabad waarta.

Sidoo kale, International Policy Digest ayaa muujisay in Somaliland ay si xeel dheer isugu lifaaqday dhaqanka odayaasha iyo nidaamka dimuqraaddiyadda casriga ah, taas oo sahashay xalinta khilaafaadka bulshada.

Dhinaca kale, warbixintu waxay xustay in aqoonsigii ay Israa’iil siisay Somaliland uu furay bog cusub oo diblomaasiyaddeed, kaasi oo muujinaya in Somaliland si tartiib ah ugu sii dhowaanayso beesha caalamka.

Iyadoo horumar dhaqaale oo ku sallaysan dhoofinta xoolaha, dekedda Berbera. Warbixintu waxa ay tibaaxay in dawladnimada iyo xasiloonida Somaliland ay ka timid aragti dheerida hoggaanka Somaliland iyo adkaysiga bulshada.