Wasiir is-casilay dib markii la ogaaday in uu shaahado been abuur ah ku helay xilka wasiirnimo

Wasiirkii Sayniska iyo Technology-da dalka Nigeria Uche Nnaj ayaa iska casilay xilkii uu hayey ka dib markii ay bannaanka u soo baxday xogta sheegaysa in uu shaahado been abuur ah uu ku helay xilkiisa wasiirnimo kursigana uu ku joogay tan iyo sannadkii 2023-kii.

Xisbiyada mucaaridka ah ee dalka Nigeria oo si weyn arrinkan daba gal ugu sameeyey ayaa ku doodaya in hawsha Wasiirka aan is casilad oo keli ah lagu soo koobin balse la soo taago maxkamad si loogu qaado dembigiisa oo ah in uu shahaado been abuur ah uu wasiir ku ahaa muddo laba sanno ah, hayeeshe Uche Nnaj ayaa arrimahaas gaashaanka u daruuray isaga oo ku tilmaamay eedaymo siyaasadeeed.