Trump oo lagu amray inuu bixiyo $83.3 milyan dacwad sumcad dil ah

Xeerbeegtida New York ayaa ku amray madaxweynihii hore ee Mareykanka Donald Trump inuu siiyo Suxufiyadda E. Jean Carroll $83.3 milyan oo magdhow ah, ka dib markii ay ku eedeysay inuu faraxumeeyey.

Xeerbeegtida ayaa Carroll ku abaalmariyay $65 milyan oo magdhow ah, $11 milyan oo dhaawac loo geystay sumcaddeeda iyo $7.3 milyan oo kale.

Carroll ayaa ku eedaysay madaxweynihii hore inuu sumcadeeda waxyeeleeyay isagoo ku tilmaamay inay tahay beenleey.

Trump ayaa si degdeg ah uga jawaabay, isagoo sheegay inuu racfaan ka qaadan doono.

“Gabi ahaanba waa wax lagu qoslo! Waxaan si buuxda uga soo horjeedaa labada xukun, waxaana rafcaan ka qaadan doonaa dhammaan dacwadaha uu soo abaabulay Biden (Madaxweynha Mareykanka) oo diiradda saaray aniga iyo Xisbiga Jamhuuriga, “ayuu ku qoray bartiisa bulshada ee Truth Social.