Israa’iil oo 24 askari lagaga dilay dagaalka Gaza

Israa’iil ayaa salaasadii shalay sheegtay in 24 askarteeda ah lagaga dilay Marinka Gaza, halkaasi oo ay kula dagaalamayaan ururka Xamaas ee Falastiiniyiinta.

Waa mid ka mid ah maalmihii ugu xumaa ee soo mara ciidamada Israa’iil tan iyo markii uu billaamay dagaalka ay Israa’iil sheegtay in ay ku cidhibtireyso kooxda Xamaas.

Sida laga soo xigtay wasaaradda caafimaadka ee Xamaas ay maamusho, ugu yaraan 25,295 qof – oo u badan dumar iyo carruur – ayaa lagu dilay Qasa tan iyo markii uu billaamay dagaal Israa’iil ku qaaday shacabka reer Falastiin.