Masuulkii ugu horeeyay oo Mareykan ah oo booqasho rasmi ah ku tagay Shiinaha kadib muddo 5 sanno ah

Xoghayaha arrimaha dibadda ee Mareykanka Antony Blinken ayaa booqasho laba maalmood ah ku tagay magaalada Beijing ee dalka Shiinaha.

Safarkan ayaa noqonaya kii u horreeyay ee diblumaasi Mareykan ah uu ku tago Shiinaha ku dhawaad ​​shan sano.

Saraakiisha Mareykanka ayaa sheegay in hadafka ugu weyn ee wadahadalka uu yahay in la dajiyo xiriirka kala dhaxeeya Shinaha oo noqday mid aad u kacsan.

Safarkan ayaa ku soo beegmaya ku dhawaad ​​shan bilood ka dib markii booqashadii hore ee Blinken dib loo dhigay, ka dib markii hawada Mareykanka lagu arkay buufinta basaaska ee loogu shakisanyahay in uu lahaa Shiinaha.