Guddoomiyaha golaha guurtida Somaliland oo ka hadlay shaqaaqo xalay ka dhacday  magaalada Ceerigaabo

Guddoomiyaha golaha guurtida Somaliland mudane Saleebaan Maxamuud Aadan, ayaa ka hadlay shaqaaqo kooban oo ka dhacday  magaalada Ceerigaabo ee xarunta gobolka Sanaag.

Guddoomiyaha ayaa sheegay in hadda xaalada nabadgelyo ee magaaladu degan, waxaanu mudanayaasha u sheegay inay si dhaw ula socdaan arrinta ka soo cusboonaatay Magaalada Ceerigaabo.

Waxa uu bulshada Ceerigaabo ka codsaday inay nabadgelyada ilaaliyaan.