Connect with us

somalilandtoday.com

TPLF Oo Dowladda Eritariya Ku Eedaysay Inay Duqeymo Ka Fulinayso Qaybo Kamid Ah Gobolka Tigray

focus

TPLF Oo Dowladda Eritariya Ku Eedaysay Inay Duqeymo Ka Fulinayso Qaybo Kamid Ah Gobolka Tigray

TPLF Oo Dowladda Eritariya Ku Eedaysay Inay Duqeymo Ka Fulinayso Qaybo Kamid Ah Gobolka Tigray

TPLF ayaa dowladda Eritariya ku eedaysay in diyaaradaheeda dagaalku ay duqeymo dhanka cirka ah ka fuliyeen maanta magaalo kamid ah gobolka Tigray oo lagu magacaabo Irob, sida uu baahiyay Tvga Tigray ee ay maamulaan TPLF.

Goobaha ay waxyeelladu ka soo gaadhey duqayntu ayay TPLF ku sheegtay inay ahayd goobo ay degganaayeen dad shacab ah, Xarumo Waxbarasho, cisbitaalo iyo goobo kale oo dhammaan ay degganaayeen dad rayid ah.

Ma jiraan ilo madax banaan oo xaqiijin kara warka ay baahiyeen Warbaahinta ay maamusho TPLF ee ah in Eritariya ay duqeysay magaalooyin ku yaalla gobolka Tigray.

TPLF ayaa weerarkan ku tilmaantay mid jabinaya heshiiskii ay dhawaan gaadheen TPLF iyo dowladda Itoobiya ee ka kala dhacay Koonfur Afrika iyo Kenya, inkastoo aan heshiiska lagu xusin arrinta Eritariya oo ciidammadeedu ku sugan yihiin qaybo kamid ah gobolka Tigray.

Hore dhawr jeer TPLF waxay eedaymo kala duwan usoo jeedisay dowladda Eritariya, oo ay ku sheegtay in Eritariya ay xad gudubyo kala duwan ka gaysatay dhulka Tigray, isla markaana ay wali Ciidamadeedu joogaan qaybo kamid ah gobolka Tigray waa siday hadalka u dhigeen TPLF.

Dowladda Itoobiya ayaan wali wax war ah kasoo saarin hadallada kasoo yeedhaya TPLF, iyo eedaymaha ay TPLF usoo jeedinayso dowladda Eritariya.

More in focus

Advertisement

Feaured

To Top