Connect with us

somalilandtoday.com

ERITREA Oo Weerar Baaxad Leh Ku Qaaday Tigray Iyo Dagaal Culus Oo Socda

focus

ERITREA Oo Weerar Baaxad Leh Ku Qaaday Tigray Iyo Dagaal Culus Oo Socda

ERITREA Oo Weerar Baaxad Leh Ku Qaaday Tigray Iyo Dagaal Culus Oo Socda

(SLT-Addis Ababa)-Mas’uuliyiinta gobolka Tigray ee Itoobiya ayaa sheegay in ciidammada dalka deriska la ah ee Eritrea ay maanta weerar baaxad leh kusoo qaadeen, islamarkaana dagaal xooggan uu ka socdo xuduudda.

Laba ka mid ah shaqaalaha gargaarka ayaa sidoo kale ku warramay in dagaal culus uu ka socdo xuduudda, islamarkaana madaafiic ay ku dhaceen xero ay ku sugan yihiin barakacayaal oo ku taalla xaafadda Ziban Gedena. Ma sheegin in ciidamada Eritrea ay ku sugan yihiin dhulka gobolka Tigray.

Haddii la xaqiijiyo ka qeyb-galka ciidammada Eritrea ee dagaalka, waxay ka dhigan tahay inuu sii xoogaystay dagaalka oo dib u qarxay bishii tagtay kadib markii ay burburtay xabad-joojin jirtay tan iyo bishii March.

Ergeyga gaarka ah ee Mareykanka u qaabilsan Geeska Afrika, Mike Hammer ayaa maanta sheegay in Mareykanka uu ka war hayo in ciidammada Eritrea ay kasoo gudbeen xuduudda oo ay soo galeen gobolka Tigray ayna cambaareynayaan.

Eritrea ayaa ciidamadeeda kala baxday inta badan gobolka Tigray sannadii tagtay kadib markii ay millatariga Itoobiya taageereen wejiyadii ugu horreeyey ee dagaalka ka dhanka ah xooggaga Tigray-ga oo qarxay bishii November ee 2020.

“Eritrea waxa ay soo daabushay dhammaan ciidamadeeda iyo sidoo kale keydkii. Ciidamadeena si geesinimo leh ayey u difaacayaan aagaggooda,” waxaa sidaas twitter kusoo qoray Getachew Reda, afhayeenka TPLF.

Wasiirka Warfaafinta Eritrea Yemane Gebremeskel kama jawaabin codsi falcelin oo loo diray.

Getachew waxa uu sheegay in ciidammada dowladda Itoobiya iyo ciidammada gaarka ah ee gobolka Amhara ee koonfurta ay sidoo kale ku biireen weerarka.

Afhayeenka dowladda Itoobiya Legesse Tulu, afhayeenka millatariga Cololnel Getnet Adane, iyo Billene Seyoum oo ah afhayeenka ra’iisul wasaare Abiy Ahmed ayaan dhammaantood ka jawaabin codsi falcelin oo loo diray.

Gizachew Muluneh, oo ah afhayeenka dowladda gobolka Amhara, ayaan isna sidoo kale jawaabin.

Dagaalka gobolka Tigray oo socda laba sanno iyo badh ayaa lagu dilay kumananaan qof, wuxuuna barakiciyey malaayiin kale, isaga oo musiibo bani’aadannimo ka abuuray waqooyiga Itoobiya.

Dowladda Canada ayaa Sabtidii ka digtay in ciidammada Eritrea ay isku urursanayeen xuduudda iskuna diyaarinayeen weerar ay ku qaadaan gobolka Tigray.

Wasiirka Warfaafinta Eritrea Yemane Gebremeskel ayaa dhammaadkii toddobaadkan xaqiijiyey in loo yeedhay qaar ka mid ah ciidamada keydka.

Click to comment

Leave a Reply

Your email address will not be published.

More in focus

To Top