Connect with us

somalilandtoday.com

Xog Faahfaahsan Oo Laga Helay Safar Qarsoodi Ah Oo Uu Farmaajo Ku Tagay Israa’iil

focus

Xog Faahfaahsan Oo Laga Helay Safar Qarsoodi Ah Oo Uu Farmaajo Ku Tagay Israa’iil

Xog Faahfaahsan Oo Laga Helay Safar Qarsoodi Ah Oo Uu Farmaajo Ku Tagay Israa’iil

Wargayska Times of Isra’iil ayaa daabacay warbixin uu ka qoray xogta ku saabsan kulan qarsoodi ah oo uu sheegay in uu dhex maray Madaxweynihii hore ee Soomaaliya, Maxamed Cabdullaahi Farmaajo iyo Raysal Wasaarihii hore ee Israa’iil, Benjamin Netanyahu.

Kulanka labada hoggaamiye oo markaas xilalka waddamooda hayay ayaa dhacay horaantii sanadkii 2020-kii, sida uu wargayskan Israa’iil laga leeyahay kasoo xigtay diblomaasi hore oo arrintaas ka warhayay.

Sida lagu xisay warbixintan, Maxamed Cabdullaahi Farmaajo ayaa bishii February ee sanadkii 2020-kii u duulay magaalada Qudus, isagoo uu wehelinayay Balal Cismaan, oo ahaa wakiilkiisa arrimaha Geeska Afrika, Badda Cas iyo Gacanka Cadmeed.

Farmaajo iyo Netanyahu ayay suuragal tahay in ay ka wada hadleen arrimo ku saabsan abuuriska xidhiidh u dhaxeeya labada waddan, sida uu Wargaysku xusay.

Hase ahaatee, dowladda Soomaaliya iyo dhiggeeda Israa’iil waligood ma shaacin kulan madaxdooda dhex maray iyo in ay xidhiidhkooda dhisayaan.

“Balse dadaalladaas ma ayna taageereynin dowladdii Mareykanka ee xilligaas uu madaxweynaha ka ahaa Donald Trump , oo aan rabin in uu Soomaaliya kusoo daro arrimaha gobola,” ayuu yidhi diblomaasiga uu soo xigtay wargayska.

Waxa uu sheegay in Trump uu Soomaaliya ku nacay sababo la xidhiidh Xildhibaanadda Xisbiga Dimiqraaddiga ee sida wayn u dhaliili jirtay, Ilhaan Cumar, oo qaxootinnimo kaga timid Soomaaliya.

Diblomaasiga xogtan faafiyay, oo la wareystay maalintii Isniinta, ayaa sidoo kale sheegay in kulan kaas ka horreeyay uu Farmaajo iyo Netanyahu dhexmaray 28-kii bishii November ee sanadkii 2017-kii.

Xilligaas ayay isku arkeen shir ay Nairobi ku yeesheen Netanyahu iyo madaxweynaha Kenya, Uhuru Kenyatta, sida uu sharraxay diblomaasiga oo magaciisa la qariyay.

Kulanka 2017-kii ayaa ku yimid codsiga Benjamin Netanyahu.

Balse ma jiro war kasoo baxay dowladda Kenya oo lagu xaqiijinayo in Netanyahu uu la kulmay Farmaajo.

Afhayeenka xukuumadda Israa’iil ayaan kasoo jawaabin codsi uu wargaysku u diray oo ku saabsanaa in uu ka hadlo mowduucan.

Warkan ayaa yimid xilli bishii lasoo dhaafay ay soo baxeen warar kale oo sheegayay in madaxweynaha Soomaaliya ee hadda xilka haya, Xasan Sheekh Maxamuud, uu safar qarsoodi ah ku tagay Israa’iil, sanadkii 2016-kii.

Hase yeeshee, Villa Soomaaliya kama hadlin arrintaas wali.

More in focus

To Top