Connect with us

somalilandtoday.com

Puntland Oo Xal U Heshay Shidaal La’aantii Ka Jirtay Deegaanadeeda

focus

Puntland Oo Xal U Heshay Shidaal La’aantii Ka Jirtay Deegaanadeeda

Puntland Oo Xal U Heshay Shidaal La’aantii Ka Jirtay Deegaanadeeda

(SLT-Boosaaso)-Puntland ayaa xal u heshay shidaal la’aan muddooyinkii lasoo dhaafay ka jirtay deegaanada maamulkaasi, waxayna soo iibsatay markab weyn oo sida shidaal badan.

Markabka oo maalmihii lasoo dhaafay taagnaa xeebaha Puntland ayaa xalay kusoo xidhay dekedda Boosaaso, iyadoo halkaas ay buux dhaafiyeen booyadaha shidaalka.

Wararka ayaa sheegaya in markabkan ay leedahay shirkad lagu magacaabo Admare Company, waxaana shidaalka iska leh ganacsato reer Puntland ah oo soo rartay.

Sawirro laga soo qaaday dekedda Boosaaso ayaa la arkayaa gaadiidka shidaalka oo isaga kala gooshaya halkaasi, waxayna bilaabeen in magaalooyinka kale u daabulaan shidaalka.

Sidoo kale waxaa la filayaa in arrintan ay wax ka bedasho shidaal yarida ka taagan deegaanada Puntland, gaar ahaan qiimaha shidaalka oo meeshii ugu sarreysay gaadhay.

Si kastaba, shidaalkla dunida ayaa sare u kacay, kadib duulaankii uu Ruushka ka qaaday dalka Ukraine, waxaana saameynta ugu badan dagaalkaas ka dhexlay dalalka Afrika.

More in focus

Advertisement

Feaured

To Top