Maxaa Ka Jira In FARMAAJO Uu Ka Tanaasulay Inuu Mar kale Madaxweynr isku-sharaxo??

(SLT-Muqdisho)-Mid ka mid ah mas’uuliyiinta sare ee ololaha doorashada u qaabilsan Madaxweyne Maxamed Cabdullaahi Farmaajo ayaa beeniyay warar suuqa iyo baraha bulshada lasoo geliyay oo sheegayay in Farmaajo ka tanaasuli doono murashaxnimadiisa iyo inuu mar kale u tartamo xilka madaxweynenimo.

Mas’uulkaan oo ka gaabsaday magaciisa ayaa sheegay in madaxweynuhu qorshahiisa uu yahay mid degsan oo muddo laga soo shaqeynayay, haadana la joogo xiligii munaasabka ku aheyd inuu ka midho dhaliyo.

Waxa uu intaas ku daray in madaxweynaha uu sida ugu dhaqsiyaha badan u shaacin doono murashaxnmadiisa iyo in bulshada Soomaaliyeed uu u xaqiijiyo inuu xiligiisii labaad uu u taagan tahay xilka madaxweyne.

“Madaxweynuhu qorshahiisa waa mid degsan, oo aan habooneyn in fadhi ku dirirada lagaga hadlo, waana arrin qaran, qorshaha madaxweynaha ee ku aadan badbaadinta dalka iyo heykalka qaranimo wuxuu shacabka Soomaaliyeed iyo cid kasta oo khuseysa uu la wadaagi doonaa sida ugu dhaqsiyaha badan,” ayuu yidhi mas’uulkaasi ka tirsan xafiiska ololaha doorashada Madaxweyne Farmaajo.

Wuxuu beeniyay mas’uulkaasi islamarkaana ku-tiri-kuteen ku tilmaamay wararkaasi tilmaamaya in Farmaajo uu tanaasuli doono, isagoona sheegay in in aanu joogin meel uu ku tanaasulo, maadaama buu yidhi dalka iyo dadka ay u baahan yihiin.

Saacadihii lasoo dhaafay ayaa kooxaha mucaaradka ay baraha bulshada iyo saxaafadda qaar ku baahiyeen in madaxweynaha uu tanaasuli doono, markii uu arkay guusha Aadan Madoobe iyo Cabdi Xaashi.