Connect with us

somalilandtoday.com

FARMAAJO Oo Isugu Yeedhay Madaxda Maamul Gobolleedyada

focus

FARMAAJO Oo Isugu Yeedhay Madaxda Maamul Gobolleedyada

FARMAAJO Oo Isugu Yeedhay Madaxda Maamul Gobolleedyada

(SLT-Muqdisho)-Madaxweynaha xilku ka dhammaaday ee dowladda Soomaaliya Maxamed Cabdullaahi Farmaajo ayaa xalay shir degdeg ah isugu yeedhay madaxda maamul goboleedyada iyo gobolka Banaadir.

War qoraal oo kasoo baxay madaxtooyada Soomaaliya ayaa la sheegay in madaxweyne Farmaajo 18-19 bishan February uu shir degdeg ah isugu yeedhay madaxweynayaasha maamul gobolleedyada dalka Soomaaliya.

Hoos ka akhriso:

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo oo mudnaanta siinaya dhaqan gelinta Heshiiskii 17-kii Sebteembar ee doorashooyinka dalka iyo sii ambaqaadidda talooyinka iyo xalka ay soo gudbiyeen Guddiga Farsamada Arrimaha Doorashooyinka ee ku shiray Baydhabo intii u dhaxaysay 15-16kii bishan Febaraayo waxa uu soo saaray go’aanadan:

1- Madaxweynuhu waxa uu shir iskugu yeerayaa Madaxda Dowlad Goboleedyadda dalka iyo Gobolka Banaadir.

2- Shirkaas waxaa lagu qabanayaa magaalada Muqdisho ee caasimadda dalka.

3- Shirkan wadatashiga ah waxaa uu socon doonaa inta u dhaxaysa 18-19 bishan Febraayo 2021.

4- Shirkan wadatashiga ah waxaa saldhig u ah talo-soojeedintii Guddiga Farsamada Arrimaha Doorashooyinka ee ku aaddanayd dhaqan-gelinta heshiiskii 17-ka Sebteembar 2020 laga gaaray hannaanka doorashooyinka, ayna meelmariyeen Labada Aqal ee Baarlamaanka Federaalka Soomaaliya.

Dowladda Federaalka Soomaaliya waxa ay bogaadinaysaa dadaalka ay bixiyeen Xubnaha heer Federaal iyo heer Dowlad Goboleed ee Guddiga Farsamada Arrimaha Doorashooyinka oo Magaalada Baydhabo ku lafa guray caqabadaha fulinta Heshiiska 17-ka Sebteembar, dhabbaha u xaaray qabsoomidda doorasho ka turjumeysa hor u socodka dimuqraadiyadeed ee dalka.

More in focus

To Top