Imaaraadka Carabta Oo Dhalasho Siinaya Dadka Ajaanib Ah

(SLT-Dubai)-Waddanka Isutagga Imaaraadka Carabta ayaa sheegay inuu siinayo dhalasho dadka aan u dhalan waddankaas balse lama xaqiijin in dadkaasi ay heli doonaan daryeelka ay helaan dadka u dhashay dalka ku yaalla khaliijka.

Amiirka Dubai ahna Raysal Wasaaraha Imaaraadka Sheekh Mohammed bin Rashed Al Maktoum ayaa sheegay in dadka ajaaniibta ah ee ku nool UAE ee leh xirfadaha sida dhakhaatiirta, saynisyahanada, Muhandisiinta iyo xirfadleyda kaleba ay ka faa’ideysan karaan fursadan.

“Golaha Wasiirada iyo maxkamadaha Imaaradka ayaa magacaabi doona dadka la siinayo dhalashada dalka iyadoo lagu xuli doono qaab la isla og yahay.”ayuu yidhi Amiirka.

“Sharcigan waxa uu u oggolaanayaa dadka qaadanaya inay haysan karaan dhalashada waddamadooda asalka ah.”ayuu sii raaciyay.

Muwaadiniinta u dhashay waddanka Imaaraadka Carabta ayaa waxaa ka badan dadka ajaaniibta ah ee wadankaas ku shaqo tegey iyadoo badankood ay yihiin dadkaasi kuwo ka tagay Koofurta Asia.