Connect with us

somalilandtoday.com

Kenya Oo Suuq Kale U Raadineysa Ganacsiga Qaadka

News

Kenya Oo Suuq Kale U Raadineysa Ganacsiga Qaadka

Kenya Oo Suuq Kale U Raadineysa Ganacsiga Qaadka

Dowladda Kenya ayaa hadda ka fikireysa in ay dalal kale u weecido ganacsiga Qaadka oo markii hore loo dhoofin jiray dalka Soomaaliya, kaddib markii uu go’ay xidhiidhka labada dowladood Soomaaliya iyo kenya.

Wasaaradda Ganacsiga ayaa qorsheyneysa inay raadiso seddex suuq oo cusub oo loo dhoofiyo Qaadka iyadoo khilaafka diblomaasiyadeed ee labada dal Kenya iyo Soomaaliya uu dib u dhac ku keenay soo laabashada suuqii ugu weynaa Qaadka Kenya ee Soomaaliya.

Xoghayaha guud ee Wasaarradda Ganacsiga Kenya Johnson Weru oo la kulmay wafdi ganacsato ah oo uu hogaaminayo gudoomiyaha gobolka Meru Kiraitu Murung ayaa sheegay in wasaaradu ay bilaabi doonto qaabilaada wadamo ay ka mid yihiin Jabuuti, Jamhuuriyadda Dimuqraadiga ee Congo iyo Mozambique.

Mr Weru ayaa sheegay in wasaaraddu ay warbixinno horumarineed ka bixin doonto suuqyada cusub dhammaadka bisha Maarso ee sannadka soo socda.

“Waxaan helnay codsi ka yimid beeraleyda waxaan wadahadal la furi doonaa Jabuuti, DR Congo, Mozambique iyo wadamada kale ee Africa, waa in ay la yimaadaa beeraleydu sharuucda wadamada aan la ganacsanayno,” ayuu yidhi Mr Weru.

Inkastoo xidhiidhka labada dowladood ee dariska ah Kenya iyo Soomaaliya bilihii ugu danbeeyayba uusan wanaagsaneyn, haddana waxaa jira cadaadis labada dalba lagu saarayo in ay ka heshiiyaan wixii khilaafaad ah ee jira

More in News

To Top