Connect with us

somalilandtoday.com

Taiwan Oo Maxkamad Soo Taageysa Nin U Dhashay Dalka Shiinaha Oo Dad Ku Dilay Xeebaha Soomaaliya

focus

Taiwan Oo Maxkamad Soo Taageysa Nin U Dhashay Dalka Shiinaha Oo Dad Ku Dilay Xeebaha Soomaaliya

Taiwan Oo Maxkamad Soo Taageysa Nin U Dhashay Dalka Shiinaha Oo Dad Ku Dilay Xeebaha Soomaaliya

(SLT-Taiwan)-Dowlada Taiwan ayaa maxkamada soo taageysa nin u dhashay dalka Shiinaha oo loo heysto dilka Soomaali lagu tuhmay inay ahaayeen budhcad-badeed.

Dilkan ayaa dhacay sannadkii 2012, xiligaasi oo la sheegay in Markab laga leeyahay Taiwan oo uu kabtan ka ahaa ninkan u dhashay Shiinaha ay rasaas ku fureen afar nin oo Soomaali ah oo watay dooni yar.

Kabtankan ayaa la sheegay inuu ku amray illaalada saarnaa Markabkiisa wax-jariifa inay rasaas ku furaan raggaasi Soomaalida ah kadib markii ay burburiyeen doonidii yareyd oo ay wateen afartaa nin ee Soomaalida ah.

Xeer ilaalinta Taiwan ayaa sheegtay in xogtan la ogaaday kadib markii filim laga duubay dhacdadan lagu shaaciyey Youtube, filimkan ayaa la sheegay in laga helay telefoonka gacanta ah oo lagaga dhextagay gaadhi Taxi ah.

Muuqaalkan ayaa laga maqlayey Kabtanka oo amar ku bixinaya in la dilo Soomaalidaasi oo markaasi badda dul-sabeenayey.

Naakhuudahan ayaa qirtay inuu amray dilka isagoo sheegay in raggan Soomaalida ah ay ahaayeen Budhcad-badeed isla markaana uu ka cabsi qabay in ay weerar kale kusoo qaadaan Markabkooda oo xiligaasi ka kaluumeysnayey xeebaha Soomaaliya.

Xeer ilaalinta Taiwan ayaa sheegtay in isagoo og raggaasi inayna is difaaci karin uu Kabtankan ku amray illaalada Markabka u saarnaa oo u dhashay dalka Pakistaan inay rasaas badan ku furaan afartaa qof ee u dhashay Soomaaliya.

Maraakiibta laga leeyahay dalalka Aasiya ayaa in muddo ah faro-ba’an ku haya xeebaha Soomaaliya, waxayna hore sidan dilal ugu geysteen kaluumeysato Soomaali ah, hase yeeshee inta badan ma dhacdo in maxkamad loo soo taago shisheeyahaasi falalkan ay ka geystaan xeebaha Soomaaliya.

More in focus

To Top