Masuuliyiintii Xisbiga WADDANI Ee Xidhnaa Oo Xorriyadooda Dib U Helay

(SLT-Hargeysa)-Xoghayaha Guud ee Xisbiga Mucaaradka ah ee Waddani Khadar Xuseen Cabdi, Afhayeenka Xisbigaasi Barkhad Jaamac Batuun iyo Cabdi Ibraahim oo ka mid ah waxgaradka magaaladda Hargeysa ayaa goor dhaweyd dib u helay xorriyadooda.

Masuuliyiintan oo dhawaan laga qabtay Magaaladda Hargeysa ayay xukuumaddu xorriyadooda u soo celisay, ka dib markii sida la sheegay xadhigooda lagu canaantay xukuumadda.

Guddoomiyaha xisbiga Mucaaradka ah ee Waddani Cabdiraxmaan Maxamed Cabdilaahi, Hogaamiyaha Xisbigaasi Xirsi Cali Xaaji xasan, Guddoomiyaha Gobolka Maroodi Jeex Xamse Ciise, hogaanka iyo taageereyaasha xisbigaasi ayaa ku sugaya Xubnahan dib u helay xorriyadooda duleedka Magaaladda Hargeysa,kuwaas oo isu diyaarinaya soo dhaweyntooda.