Qisadii Cajiibka Ahayd Ee Maansada Nuuxnuuxsi Ee (Xasan Ganey). W/Q Cabdi Cawiye

Waxa uu yidhi ruug cadaagii mu-alifkii abwaankii weynaa ee XASAN X. CABILLAHI XASAN GENAY.

“Anigoo Heeganka ku qoran xarunta ciidanka ee MIISKA SARAAKIISHA ee magaalada Hargeysa ayaa waxa xeradii soo gashay gabadh waxana ay la istaagtay nin ka mida ciidanka meesha ku sugnaa oo ay wada hadal bilaabeen iyagoo hadal kii wada ayaa uu ninkii mar kaliya bahal dhibaxo ah kaga soo gooyey inantii mise haddana ku dhuftay mid kale qof walbaaba yaab la joojiyey wixii uu gacanta ku hayey, sarkaal aan meesha ka fogeyn ayaa kusoo dhaqaaqay oo askarigii dhibaaxo ku bilaabay.

Intaa ka dib inantii oo ooyaysa ayaa ninkii isku

duubtay oo tidhi “Alla walaal ka daa tiisu waxba ima yeelaysee”.

Wuxuu yidhi XASAN Ganey “aadbaan ula yaabay arinkaa gabadha iyo askariga dhexmartay iyo inta uu leegyahay iyo halka uu ninku ka joogo maadaama uu dhibaaxo la dhacay meel la wadda arkaayo iyadoo gabadh soomaaliyeeda iyo sida ay iyadu boholyowga , kalgacalkeedu yahay iyadoo uu u quudhay inuu ku dhirbaaxo dad hortii ku dhufto haddana iyadu way ka xanuunsatay oo ay ka damqatay dhirbaaxada isaga la gu dhuftay”.

Taasina waxay abwaanka isla goobtii kusoo dedejisay maankiisii miida malabka suugaantu kasoo dhibiq-tifi jirtey maansada nuuxnuuxsi oo ka hadlaysa qofka wax jeceli inuu marwalba daranyahay haduu ka kale necebyahay xataa.

Qofkaasina aanu nacas ahayn lkn uu la darsey wax awoodiisa ka weyn oo aanu xukumi karin oo ah boholyow caashaqa oo wax aanu qofku iska yeelyeelin.

Nafta jecel qofkii neceb

Nolosheeda kama talin

Ogow nacasna maahee

Halka uu naxligu galo

Hadduu nabarka caashaqu

Ku nagaado oo dego

Nudaygana uu ka hantiyo

Niyaddaa mid kaliyoo

Ma taqaan noqnoqoshee

Anna adoo nitaakh iyo

Nuuxnuuxsi mooyee

Iga jaray naruurada

Waxaan kuugu nabanahay

Qalbigaad nuglaysiyo

Wadnahaa i naafo ah

Nafta jecel qofkow nixin

Naaneys xumaantiyo

Neef diidka aragtaye

Waxay nabadda ula tahay

Kol hadday ku noogaan

Kuwa xumaha naadshaa

Xiskuna kaa nayaayiro

Niyaddaa mid kaliyoo

Ma taqaan noqnoqoshee

Anna adoo nitaakh iyo

Nuuxnuuxsi mooyee

Iga jaray naruurada

Waxaan kuugu nabanahay

Qalbigaad nuglaysiyo

Wadnahaa i naafo ah

Xuquuqda qoraalku waxay u reeban tahay qoraaga

W/Q Cabdi Cawiye

Phone 063-411577

Facebook Cabdi Caawiye Ismail GUNTI-GAAB