Boqorka Beelaha Daarood Oo Si Diiran Loogu Soo Dhaweeyey Degmada Badhan Ee Gobolka Sanaag.

(SLT-Badhan)-Boqor Burhaan Boqor Muuse ayaa waxa si weyn loogu soo dhaweeyay degmada Badhan ee gobolka Sanaag.

Boqor Burhaan Boqor Muuse oo ay socdaalka ku weheliyaan salaadiin dhaqan ayaa waxaa meel magaaladda ka baxsan kusoo dhaweyey Isimada Gobolka oo uu ugu horeeyo Suldaan Siciid Suldaan Cabdisalaan Suldaan Maxamuud Cali Shire ,cuqqasha dhaqanka iyo dadweyne kale.

Safarka Boqorka iyo isimada kale ee la socda ayaa salka ku haya sidii ay u darsi lahayeen xal u helida dhacdadii uu ku geeriyooday allaha u raxmadee Suldaan xasan Cali Jibriil oo in mudo ah ay ku guda jireen saladiinta dhaqan, Culima-udiinka iyo waxgarad kale oo Gobolka kazoo jeeda, balse aan wali lasoo afmeerin.

Waftiga Boqor Burhaan Boqor Muuse ayaa lagu wadaa inay u kuur galaan halka ay maray xaajadan oo ay kazoo shaqeyeen waxgarad kala duwan, iyadoo ay warbixin kasiin doonaan gudigii horey gacanta ugu hayey, waxaa rajo fiican laga qabaa in si isfaham iyo wanaag ku dhehan uu kusoo gabagabeeyo Boqor Burhaan oo kashanaya isimada kale iyo labada qoys ee arintu dhaxtaal.