Qalbi-Dhagax Oo Si Wayn Loogu Soo Dhaweeyay Magaalada Qardho Ee Puntland

(SLT-Qardho)-Cabdikariim Sheekh Muuse Qalbi dhagax ayaa shalay si wayn loogu soo dhaweeyay magaalada Qardho ee Puntland, qaybaha kala duwan ee shacabka degmada Qardho iyo dadka kasoo jeeda deegaanka soomaalida Itoobiya ayaa banaanka magaalada kaga hortagay Cabdikariim Qalbi dhagax.

Wasiiru dawlaha warfaafinta Puntland Dr Ashkir Nuur oo ugu horayn warbaahinta la hadlay waxa uu ku micneeyey booqashada Cabdikariim sidii uu ugu mahadcelin lahaa shacabkii garab istaagay mudadii uu xirnaa, waxa uu xusay in dawladu ay si wayn xil isaga saartay soo dhawayntiisa.

Cabdikariim Sheekh Muuse Qalbidhagax waxa uu ku fasiray socdaalkiisa mid uu kula kulmayo shacabka soomaaliyeed, sidoo kalena waxa uu mahadcelin balaraan u jeediyay dadkii soo dhaweeyay ee banaanka magaalada kaga hortagay.

Ugu danbayn Boqor Burhaan Boqor Muuse ayuu la kulmay , Boqorku waxa uu hambalyo u diray madaxweynaha cusub ee Somali State iyo xukuumadiisa sidoo kale shacabka deegaanadaas ayuu kula dardaarmay in ay ilaashaadaan amnigooda iyo wada jirkooda.