focus
In Ka Badan 830 Qof Oo La Xaqiijiyay Inay Ku Dhinteen Dhulgariir Ku Dhuftay Dalka Indonesia
(SLT-Indonesia)-Masuuliyiinta Indonesia ayaa la daalaa dhacaya sidii ay cunto, gargaar iyo qalabyo culus u gaarsiin lahaayeen bartamaha jasiiradda Sulawesi, ka dib markii saddex maalmood ka hor ay halkaas ku dhufteen dhulgariir dhibaato baaxad leh u gaystay iyo duufaan ka dambaysay.
Shaqaalaha gurmadka degdegga ah ayaa sii wada dadaallada ay ku samato bixinayaan dadka ku hoos xanniban dhisamayaasha burburay ee magaalada Palu.
Dadka mashaakilka ka samato baxay oo diif badan ay hayso ayaa dukaammada ka raadsanaya cunto, biyo iyo shidaal.
Ilaa iyo hadda waxaa la xaqiijiyay in ay dhinteen 830 ruux, Madaxweyne Joko Widodo oo Axaddii booqday gobolka uu mashaakilku ka dhacay ayaa dadka Indonesian-ka ah ugu baaqay in ay la murugoodaan shacabka bartamaha gobolka Sulawesi.
