Qarax Ka Dhacay Magaalada Muqdisho Iyo Goobta Lala Beegsaday.

(SLT-Muqdisho)Waxaa ka soo baxaya faahfaahino dheeraad ah kolonyo ka tirsan ciidanka AMISOM oo qarax miino lagula eegtay deegaanka Shalambood ee gobolka Shabeellaha Hoose.

Qaraxan miinada ah ayaa waxaa ay haleeshay mid kamid ah gaadiid ay wateen ciidanka Midowga Afrika ee AMISOM kaasoo gebi ahaanba gubtay.

Weerarkan miinada ah ayaa waxaa sheegtay ururka Al-Shabaab sida ay ku faafiyeen shabakadaha wararka ee taageera Al-Shabaab.

Hase yeeshee lama oga qasaaraha soo gaaray ciidamadii saarnaa gaariga la gubay iyadoo Maamulka gobolka Sh/hoosana uu qirey inuu jiro qaraxan balse waxyeelo badan aysan ka dhalan.

Ururka Al-Shabaab ayaa weerarada ay ku hayaan ciidamada AMISOM iyo kuwa dowlada u bedelay qaar miinooyinka loo adeegsado iyo weliba dilal qorsheysan oo ay ka geysteen deegaanada ay maamusho dowlada.