focus
Senatorkii Caanka Ahaa John McCain Oo Geeriyooday
John McCain oo ka mid ahaa Siyaasiyiinta ruug caddaaga ah ee aqalka Senate-ka Maraykanka ayaa geeriyooday maanta isaga oo 81 jir ah.
John McCain ayaa waxa uu ahaa Siyaasi ka mid ah siyaasiyiinta musdambeedka u ah qaranka Maraykanka waxaanu taariikh weyn iyo sumcad weyn ku leeyahay gudaha dalka maraykanka.
Siyaasigan ayaa waxa uu kasoo mid noqday ciidamadii Milatariga Maraykanka ee galay dagaalkii Vietnam waxaana uu ahaa duuliye diyaaradeed.
Waxaa uu kamid ahaa duuliyayaashi ugu da’da yaraa ee ciddammada badda ee Maraykanka . Diyaarada uu waday ayaa waxaa lagu soo riday magaalada Hanoi ee dallka Vietnam xiligii uu socday dagaalkii Vietnam.
Jidhdil wayn ayaa loo geeystay wuxuuna xabsi ku jiray muddo dhan shan sano iyo bar. Waxay ahayd taarikh aan la hilmaami karin oo dhaawacyo joogta ah noolashiisa ku reebtay.
John McCain ayaa waxa lagu yaqaannay in uu ahaa nin aan la gabban fikirkiisa ee si cad u dhiibta, waxaanu sannadkii 2008-dii u tartamay Xilka madaxweyne isaga ka socday xisbiga Jamhuuriga waxaana ka guulaystay Brack Obama.
McCain ayaa waxa shacabka Maraykanku u yaqaannaan in uu ahaa khabiir siyaasadeed oo ay dheeryihiin waddamada kale ee adduunka.
ugu dambayn John McCain ayaa u geeriyooday xanuunka kansarka oo maskaxda kaga dhacay kaasi oo muddooyinkii u dambeeyay uu u jiifay cisbitaal.
