focus
Ciidamada Yuhuudda Oo Dhaawacyo Gaadhsiiyay 200 Oo Falastiiniyiin ah
(SLT-Gaza)-Ugu yaraan 10 qof oo Falastiiniyiin ah ayaa lagu dilay Marinka Gaza, halka in ka badan 190 oo kalena lagu dhaawacay, ka dib markii Ciidanka Israel ay dad bannaanbaxayaal u adeegsadeen rasaas nool nool.
Kumanaan reer Falastiin ah ayaa isugu soo baxay Marinka Gaza, iyagoo ka cadheysan xadgudubyadda ay waddo xukuumadda Yahuuda.
Ciidanka Israel ayaa la sheegay in dad aan hubeysnayn ay u adeegsadeen rasaasta nool nool, bambooyin iyo sunta dadka kaga ilmeysiisa.
Dadka ay sida ula kaca u dhaawaceen Ciidanka Yahuudda ayaa waxaa ku jira dumar iyo carruur, sida ay sheegeen Saraakiisha Falastiiniyiinta.
Tan iyo Bishii March ee Sannadkan aynu ku jirno waxa ciidamada Yuhuuddu ay dileen ku dhawaad 200 oo shacabka reer Falastiin ee dhulkooda la haysto ah.
