Dagaal Mar Kale Saaka Ka Qarxay Deegaanka Ceel-afweyn Oo Sababay Dhimasho

(SLT-Ceel-afweyn)-Wararka aanu ka helay deegaanka Darar-weyn ee degmada Ceel-afweyn ayaa waxa ay sheegayaan in saaka uu markale dagaal ka dhex bilaabmay Beelaha walaala ah ee Colaadu ka dhaxayso ee Deegaanka Ceel-afwayn.

Dagaalkan ayaa waxaa ku dhintay hal qof waxaanu ku dhaawacmay ee hal qof oo kale sida ay warar xog-ogaal ahi u xaqiijiyeen warbaahinta Barigaafrikanews.com.

Ciidammada qaranka ee ku sugan deegaankaasi ayaa la sheegay inay kala dhex-galeen, waxa ay wararku sheegayaan in uu dagaalku istaagay.

Muddooyinkii u dambeeyay wax labadan Beeleed Sacad Yoonis (Habar-yoonis) ah iyo Biciido oo (Habar-jeclo) ah ka dhex taagnaa saansaan colaadeed.

Xukuumadihii kala dambeeyay ee KULMIYE ayaa ku guul-darraysatay inay nabad waarta ka dhex dhaliyaan labadan beelood ee wada dega deegaankaasi oo ay colaadoodu daba dheeratay.

Wixii warar ah ee ka soo kordha kala soco halkan