Xoghayaha Arrimaha Dibadda ee Maraykanka Oo Ku Sugan Myanmar

(SLT-Washington)-Xoghaya arrimaha dibadda Mareykanka, Rex Tillerson, ayaa ku sugan dalka Myanmar si uu ugala hadlo hoggaamiyaha Myanmar Aung San Suu Kyi, dhibaatada qowmiyada tirada yar ee muslimiinta Rohingya.

Tillerson ayaa sidoo kale u balansan inuu la kulmo madaxa ciidamada qalabka sida ee Myanmar.

Secretary of State Rex Tillerson speaks at the Center for Strategic and International Studies on Wednesday, Oct. 18, 2017, in Washington. (AP Photo/Jacquelyn Martin)

Mr Tillerson ayaa la filayaa inuu ugu baaqo hoggaamiyeyaashan in lasoo afjaro rabshadaha ka taagan gobolka Rakhine, oo sababay in lix boqol oo kun oo muslimiinta Rohingya ah inay u qaxaan bilihii lasoo dhaafay dalka Bangaladesh.

Cadaadis caalami ah ayaa saaran Aung San Suu Kyi, iyada oo xoghaya guud ee Qaramada Midoobay, Antonia Gutterres uu sidoo kale ugu baaqay inay waxka qabato dhibaatada heysata qaxootiga Rohingya, kaddib markii uu kula kulmay shirka ASEAN ee ka dhacayay dalka Philipine horraantii toddobaadkan.