Wasiiro Safar Shaqo Ku Jooga Magaaladda Laascaanood Oo Kormeeray Laamaha Dawladda Ee Gobolkaas

(SLT-sool) – Wasiirul dawlaha nabadaynta gobolada bari ee Somaliland Cali Maxamuud Axmed iyo wasiir ku xigeenka wasaradda ganacsiga Bashiir Cabdi Xariir oo toddobaadyadii u dambeeyay ku sugnaa gobolka Sool ayaa maanta kormeer ku soo maray laamaha dawlada ee magaalada Laascaanood.

Kormeerka

waxaanay soo kormeereen labadan wasiir xafiisyadda isu duwayaasha wasaaradaha cadaalada, hawlaha guud, maaliyadda iyo ganacsiga, waxaanay ku xogwaraysteen masuuliyiinta wasaaradahan u qaabilsan gobolka Sool iyo waxyaabaha ay qabteen eek u taxaluuqa waxa ay qaranka u hayaan.

Guddoomiyaha gobolka Sool Maxamed Faarax Aadan ayaa uga mahadceliyay kormeerkan ay wasiiraddu ku yimaadeen gobolka Sool, waxaana uu tilmaamay inay joogto ay noqon donto kormeerkan wasiiraddu.

waxaanu yidhi “Weftigan uu madaxweynuhu soo igmaday ee uu hogaaminayo wasiirul dawlaha nabadaynta gobolada bari ee uu ku wehelinayo wasiir ku xigeenka wasaaradda ganacsiga, maalgashiga, oo ujeedadoodu tahay in la ogaado baahiyaha dhabta ee ka jira gobolka Sool. Hawlahaas oo muddo soconaysa ayaa la bilaabay, waxaana la soo kormeeray shantii wasaaradood ee ugu horeeyay sidaasanay u soconaysaa ilaa laga gaadho hay’adaha kale ee booliska iyo maxkamadaha.”

Weftigan wasiirradda ah waxa kale oo ay Sabtidii toddobaadkan guddoonsiyeen maamulka gobolka Sool gaadhi damdambis ah iyo cagafcagag ay xukuumadda dhexe u iibisay, waxaanay wax ka tari doonaan baahiyaha shacabka ku dhaqan gobolka Sool.

Somalilandtoday/Burco/Office.

contact@somalilandtoday.com