Wasaaradda Duulista Hawada Somaliland Oo Tababar Ugu Dirtay Dalka Kenya Toban Kamid Ah Shaqaalaha Wasaaradda.

 (SLT-Hargeysa)  – Wasaradda Duulista iyo hawada Somaliland ayaa tababar u dirtay toban kamida Shaqaalaha Wasaaradda, kuwaas oo Salaasadda  gaadhi doona haddii alle idmo Caasimadda Kenya ee Nairobi, halkaasi oo ay ku qaadan doonaan tababaro ku saabsan aqoonta Duulimaadyada Diyaaraddaha.agaas

Ardaydan oo ay gacanta ku haynayso Hay’adda Qaramada midoobay u qaabilsan Duulimaadyada ee ICAO ayaa ku guulaystay Imtixaan laga qaaday in ka badan kun qof, sidasina waxa warbaahinta  uu sheegay Agaasimaha guud ee wasaradda Duulista iyo hawadda somaliland.
a
“Runtii munaasibadani waxa ay daarantahay sagootin aanu ku  sii sagootinayno tobankii arday ee ku guulaystay imtaxaankii hay’adda ICAO ka qaaday, imtixaankaas oo ahaa lix iyo toban boos oo Soomaaliya iyo Somaliland la wada siiyey, waxaa xusid mudan in Somaliland ay toban boos ku guulaysatay,  oo ardaydani ay imtaxaan kaga soo dhex baxeen kun iyo laba boqol oo qof” Ayuu yidhi Agaasimaha guud ee Duulista oo ka hadlayay munaasibad Xarunta Wasaaradda Duulista lagu qabtay.

Agaasimaha guud ee Wasaaradda Duulista Cumar Cabdi Aadan ayaa dhalin yarada kula dardaarmay inay ka faa’iidaystaan fursadan waxbarasho ee ay heleen.

“Dhalinyaradani marka ay Nairobi tagaan waxaanu ka rajaynaynaa in ay si fiican wax u bartaan,oo ay xasuusnaadaan in ay wadankooda Somaliland matalayaan, waxaa lala socon doonaa akhlaaqdooda, waxbarashadooda, xil gudashadooda iyo dhaqankooda, safiiro ayaad noqon doontaan, boqolaal ardayna waxbaad la baran doontaan, waxaanu rajaynaynaa in aad sumcada dalkiina ilaalin doontaan, waxa laydin barayana aad wakhti siin doontaan anguna waanu idiin hanweyanahay waanuna idinku kalsoonahay, safar wanaagsan ayaanu idiin rajaynaynaa .” ayuu yidhi Agaasime Cumar Sayid.

Somalilandtoday Hargeysa Office

Contact@somalilandtoday.com