Madaxweynaha Dalkaasi Soomaaliya Oo Boqasho U Jeedoyin Badan Leh Ku Tagay Gobolka Ceelbuur.

(SLT-ceelbur) – Wafdi uu hogaaminayo Madaxweynaha Soomaaliya Xasan Sheekh Maxamuud oo ay ka mid yihiin Saraakiil AMISOM ayaa booqasho aan la sii shaacin ku tagey magaalada Ceelbuur oo ka tirsan gobolka Galgaduud.

Madaxweynaha waxaa ku soo dhaweeyey magaalada maamulka degmada Ceelbuur, Shacabka, Saraakiil ciidan oo ku sugnaa muddooyinkii dambe magaalada Ceelbuur oo laga saaray Al-shabaab sanadkan.

xasan sh

Wararka ayaa sheegaya in madaxweynaha uu ku sugnaandoono ilaa maanta kulamana uu la qaadan doono masuuliyiinta gobolka Galgaduud, Degmada Ceelbuur, Sidoo kale shacabka ayaa la filayaa in uu kula hadlo goob fagaare halkaasna khudbad ka soo jeediyo.

Magaalada Ceelbuur ayaa in ka badan 5 sano gacanta ugu jirtay maamulkeedu Ururka Al-shabaab, horaantii sanadkan ayaa ciidamada Dawlada Soomaaliya iyo kuwa AMISOM gaar ahaan ciidanka Ethiopia kala wareegeen gacan ku haynta degmada Ceelbuur.

Somalilandtoday /Muqdisho/Office

Conatact@somalilandtoday.com