DUBAI: Dab Xoogan Oo Qabsaday Huteelka The Address Oo U Dhaw Dhismaha Adduunka Ugu Dheer Ee Burji Khaliifa.+SAWIRO

(SLT-Dubai) Dab xoogan ayaa qabsaday Hutel dheer oo ku yaal badhtamaha magaalada Dubai ee dalka Isu taga Imaaraadka Carabta. Hutelkan oo lagu magacaabo The Address waxaa uu ka kooban yahay 60 dabaq, waxaana uu ku dhow yahay dhismaha adduunka ugu dheer ee lagu magacaabo Burj Khaliifa.

image image image image

Muuqaalo la soo duubay ayaa muujinayay holac iyo qiic ka baxayay dhismahan, waxaana uu sababay jahwareer iyo cabsi laga qabo inuu ku fido dhismayaasha kale. Dadweyne fara badan ayaa la arkayay iyagoo ka kala cararay goobta, iyadoo la isu diyaarinayay saacado ka hor Xaflada weyn ee ka dhici laheyd daarta Burj Khaliifa, halkaasoo laga ridi lahaa baaruuda lagu soo dhoweynayo sanadka cusub.

image image image image

Kooxaha gurmadka deg dega ayaa gaaray halka uu dabka ka kacay iyo dab damisyo aad u fara badan, iyagoo isku dayaya inay ka hortagaan in dabkan uu sii faafo, balse uu qeybo badan oo ka mid ah dhismaha uu ku faafay dabka. Lama oga waxyaabaha sababay dabkan, hase ahaatee dowladda Imaaraadka Carabta ayaa war qoraal ay soo dhigtay barta Twitter ku sheegtay in dabkan uu ka kacay dabaqa 20aad.

Somalilandtoday/Hargaysa/Office.